Lo dissabta 10 de setembre de 10h00 a 18h00 si debanerà a Nissa, sus la Passejada de Palhon, la Fièra de la Sant Bertomieu.

Despí de l’Edat Mejana, li fèstas, mercats e fièras  son totjorn estadi un luec ideal e sovent unic d’escambi e de comèrci entre li vilas e li campanhas. Istoricament organizada a l’ocasion de la Sant Bertomieu, padron dei maseliers, tanaires e religaires, la fièra que ne’n pòrta lo nom es venguda una vertadiera tradicion a Nissa.

Aquest an, la Fièra de la Sant Bertomieu, organizada per la Vila de Nissa, recamperà mai de 60 exposants e s’espandisserà sus tota la Passejada de Palhon, de l’Esquare Leclerc fins a la Borgada. Meterà a l’onor l’agricultura urbana e promourà lu mestiers que òbran a l’expleitacion agricòla e la valirizacion dei produccions alimentàrii, emb animacion de conferéncias e tauliers redonds.

L’associacion Nissa Pantai participerà a l’eveniment en presentant lo sieu banc de venda de produchs (malhetas, discs, libres e accessòris divèrs sus lo tèma de la cultura occitana nissarda).

Per mai d’informacions, podètz contactar dirèctament Nissa Pantai:

  • Per telefòn au 06 46 62 74 93
  • Per corrièl a info@nissapantai.org

Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.