Dau 10 au 15 d’aost dau 2022, Nissa acuelhe la 64a edicion dau Festenau Internacional de Folclòre « La Farandòla », après doi annadas d’interrupcion en causa de la crisi sanitària ligada a la pandèmia de Covid19.
Aquest an participeràn ai costats dei tres ensembles folclorics nissarts (Lo Cairèu Nissart, La Chamada Nissarda e Nissa La Bèla) de grops tradicionals d’Equador, de Panamà, de Senegal, d’Sri Lanca e de Taïti.
Lu espectacles si debaneràn au Teatre de Verdura mas finda dins diferenti plaças de Nissa e dins lu vilatges de Levenç, Castèrnòu-Vilavielha, Barvèr, La Gauda, Líusola, Sant Joanet e Colomàs.
Vos convidam a assistir ai espectacles e partejar la música e li tradicions dau mond!
Per mai d’entresenhas, podètz contactar lo Collectiu dei Arts Tradicionals (CAT) au 04 97 13 45 96.
Lo festenau es labelizat CIOFF.
