Li nòstri activitats
Nissa Pantai es una associacion qu’a per objècte de defendre e promòure la lenga occitana, e mai particularament lo nissart e lo vivaroalpenc, au mejan dei activitats divèrsi presentadi çai-sota.
Transmission de la lenga
Cors d’occitan nissart e alpenc
→ Ensenhament de l’occitan nissart e alpenc
→ Transmission dirècta de la lenga
L’ensenhament es lo promier mejan de transmission de l’occitan nissart e alpenc. Nissa Pantai dona regularament de cors de nissart, dubèrts ai sòcis de l’associacion e organizats tanben dins quatre maions de seniors. De mai, l’associacion organiza cada an una dictada occitana dins lo quadre dei sieus cors.
ORARI DEI CORS ASSOCIATIUS1
Diluns 18h00-19h00 | Nivèu intermediari
Diluns 19h00-20h00 | Nivèu afortit
Dimècres 18h00-19h00 | Nivèu novelari
Dissabta 10h30-12h002 | Nivèu novelari
ORARI DEI CORS SENIORS3
Pòrt Republica4 | Diluns 10h30-12h00 | Toi nivèus
Nissa Nòrd5 | Diluns 11h30-12h30 | Toi nivèus
Espitau de Cimier6| Dimècres 10h30-11h30 | Toi nivèus
Cimier7 | Dimècres 15h00-16h30 | Toi nivèus
- Lu cors associatius son dubèrts a toti li personas e si debanan a la sala de la Glèia Sant Josèp (22 Carriera Beaumont). Li tarifas son de:
120€ ò 110 Nissarts (tarifa estandard) en pagant un còup per tota l’annada
110€ ò 100 Nissarts (tarifa precaris) en pagant un còup per tota l’annada
50€+50€+30€ en pagant per trimèstre
Gratuit per li personas de -18 ans
L’escotisson de membre es inclut dins lo prètz - Lo cors dau dissabta es organizat per l’associacion Calandreta Nissarda Maurís.
- Lu cors seniors son reservats ai membres dei maions de seniors. Per mai d’informacions, contactar li organizacions concernidi.
- Maion dei Seniors Pòrt Republica – 12 Carriera Scaliero
- Maion Departamentala dei Seniors Nissa Nòrd – 5 Avenguda Gimela
- Espitau de Cimier – 4 Avenguda de la Regina Victòria
- Maion dei Seniors Cimier – 14 Avenguda dau Monastèri
Cors de nissart
Edicion en occitan nissart e alpenc
→ Edicion d’obratges
→ Transmission escricha de la lenga
L’edicion es lo segond mejan de transmission de l’occitan nissart e alpenc. Nissa Pantai publica d’obratges d’autors en occitan, e tanben cada an lo Calendari Nissart.
L’associacion trabalha enfin sus de projèctes divèrs per facilitar la descubèrta e la pràctica de la lenga.
Edicion
Ràdio Nissa Pantai
→ Ràdio Internet 100% en occitan
→ Transmission orala de la lenga
« Ràdio Nissa Pantai, te’n dona sempre de mai! » Es sota d’aquel eslogan que vira sus Internet, despí dau 2008, la ràdio associativa Ràdio Nissa Pantai, una webràdio que difusa la lenga occitana 24h/24 e 7j/7 per de música e d’emissions de tota mena en occitan.
Ràdio
Atalhiers
Atalhier de Carneval
→ Construccion dau carre
→ Participacion ai Carnevals
Nissa Pantai organiza cada an un atalhier de Carneval consacrat a la construccion e a la decoracion dau carre de Carneval de l’associacion, que participa pi ai passacarrieras dau Carneval de Nissa e d’autri comunas dau departament. Es un moment d’escambi e de convivéncia, dont cadun pòu exprimir liurament la sieu creativitat, emparar de novèli tecnicas e partejar li sieus experiéncias e lo sieu saupre-faire manual.
Carneval
Atalhier de coïna
→ Descubèrta de la coïna nissarda
→ Practica de la lenga en coïnant
L’atalhier de coïna nissarda permete de descurbir li especialitats e lo saupre-faire culinaris de Nissa, tot en practicant la lenga e en coïnant ensems. Es un moment convivial per emparar, escambiar de recèptas e partejar li tradicions culinàrii nissardi, de la preparacion dei plats fins a la sieu degustacion.
Coïna
Atalhier de musica
→ Practica dau cant e de la musica
→ Descubèrta dei cançons tradicionali de Nissa e d’Occitània tota
L’atalhier de musica es l’ocasion de si retrobar per sonar ensemble en descurbent lo repertòri musical tradicional de Nissa, dau País Alpenc e d’Occitània tota.
D’aqueu trabalh es naissut Lu Lingostats, grop de musica qu’a per ambicion de faire viure aqueu repertòri en organizant de concèrts e de balètis.
Musica
Atalhier de teatre
→ Teatre en occitan nissart e alpenc
→ Creacion artistica de novèli pèças
L’atalhier de teatre permete a l’encòup de practicar lo nissart, d’emparar lo juec d’actor de teatre e d’encoratjar la creacion artistica en inventant de novèli pèças e de li faire conóisser au public.
Naissuda d’aqueu trabalh, La Chorma Nissa Pantai a un lòng repertòri de pèças e participa regularament ai manifestacions culturalas.
Teatre
Animacions
Campionat dau mond de mandar dau Palhasso
Lo Palhasso es un personatge d’estraça qu’incarna toi lu crucis de l’an passat. Lo juec consiste a lo mandar lo mai luenh possible per fin de se’n desbarrassar.
Si juega per equipas de 2 emb la libertat de chausir lo país e lo nom de la chorma. La participacion es gratuita.
Data – Darrier diménegue de genoier
Luec – Plaça Sant Ròca a Nissa
Palhasso
Sansonhada
La Sansonhada es una jornada de rescòntre dei sonaires de sansonha e d’autres instruments tradicionals dau País Nissart e Alpenc, emb:
→ Grops d’atalhiers de musica
→ Balèti dai grops d’atalhiers
Sansonhada
Vísitas guidadi de Nissa en nissart
Nissa Pantai organiza ocasionalament de vísitas guidadi de Nissa en nissart mentre li quali l’istòria de cada luec visitat. Lu quartiers visitats son lo Castèu, Cimier, lo Pòrt e la Vila Vielha.
Li vísitas guidadi son registradi e difusadi dins Ràdio Nissa Pantai.
Vísitas
Festenau « Vocàlia dals Palhons »
Lo Vocàlia dals Palhons es un festenau que mete a l’onor lu divèrs aspèctes de la lenga e la cultura occitani dau País Nissart e Alpenc. S’espandisse sus mantu jorns dins de vilas diferenti de la valada d’en Palhon, e s’acaba a Nissa per la Fèsta d’Occitània.
