Lo diménegue 23 de febrier a 17h15 sus Ràdio Nissa Pantai, Cristòu DAURORE e Ciril JOANIN comenteràn en dirècte e en occitan nissart, dins l’encastre de l’emission FotPantai, lo rescòntre Nissa-Montpelhièr que còmpta per la 23a jornada de Liga 1. L’emission passerà tanben sus Ràdio Lenga d’Òc.
Denant lo rescòntre, Nissa Pantai participerà au Carneval de l’OGC Nissa sus lo parvís de l’estadi de Sant Isidòre per un passacarriera emb lo sieu carre de Carneval.
Cada an, Ràdio Nissa Pantai comenta toi lu rescòntres de l’OGC Nissa a maion, tant per la Liga 1 coma per li copas de França e de la Liga.
Ràdio Nissa Pantai es partenària de Ràdio Lenga d’Òc, Ràdio Occitània e Nissa Actu, sòcia de la Federacion dei Associacions de la Contèa de Nissa e titulara dau Label Òc de l’Institut d’Estudis Occitans.
De mai, l’OGC Nissa sosten la nòva escòla bilingüa per immersion Calandreta Nissarda Maurís Sgaravizzi.
Per mai d’informacions, podètz contactar dirèctament Nissa Pantai:
- Per telefòn au 06 46 62 74 93
- Per corrièl a info@nissapantai.org