A partir dau diluns 1r de mai dau 2023, Ràdio Nissa Pantai redifuserà una nòva cronica setmaniera intitolada “L’occitan del jorn”, animada per Clamenç PECH. L’emission passerà cada jorn a 9h40, 16h55 e 18h40.
“L’Occitan del Jorn” es una cronica de Ràdio Occitània dins la quala Clamenç PECH nos conta la vida e l’istòria d’una personalitat nascuda en Occitània. La cronica si difusa dins l’encastre de l’emission “L’ora del tè”. Serà redifusada sus Ràdio Nissa Pantai gràcias au partenariat que liga li doi ràdios despí dau 2020.
Una version escricha d’aquela cronica es tanben publicada sota lo titol “l’Occitan de la Setmana” sus Jornalet, la Gaseta Occitana d’Informacions, un autre mèdia partenari emb cu Ràdio Nissa Pantai collabora dins la realizacion de la cronica d’actualitat “Lo Jornalet”.
Per remembrança, Ràdio Nissa Pantai es partenària de Ràdio Lenga d’Òc, Ràdio Occitània e l’Associacion entara Difusion de d’Occitània en Catalonha (ADÒC).
Per mai d’informacions, podètz contactar dirèctament Nissa Pantai:
- Per telefòn au 06 46 62 74 93
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcias a la nòstra aplicacion per esmartfòns.