Nissa Pantai organiza lo concèrt e balèti en l’onor dei 20 ans de la Dictada Occitana a Nissa. L’eveniment si debana:
- Lo 28 de genoier a 15h00
- Au Palais dei Reis de Sardenha (10 Carriera de la Prefectura, Vila Vielha).
Au programa d’aquesta jornada:
- Lectura dei tèxts d’autors dei precedenti Dictadas Occitani
- Concèrt de Zine Trobairitz
- Balèti emb lo grop Coco Beach Balèti
Aquest an, farà exactament 20 ans que la Dictada Occitana existe a Nissa despí l’organizacion de la sieu promiera edicion per lo Centre Cultural Occitan País Nissart (CCÒC, futur Nissa Pantai) en lo 2003!
Ensin, lo concèrt e balèti dei 20 ans de la Dictada Occitana serà organizat a la seguida de la 21a Dictada Occitana que si debanerà lo mesme jorn lo matin a 9h30 au Centre Universitari Mediterranean (CUM).
L’intrada dau balèti es a gratis e l’inscripcion obligatòria. Per vos marcar, contactatz dirèctament Nissa Pantai:
- Per telefòn au 06 46 62 74 93 / 06 71 18 61 21
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.