Lo dijòus 5 de mai a 8h00, l’establiment escolar Sasserno (escòla, collègi, licèu e BTS) de Nissa festegerà lu 50 ans dau cors d’occitan nissart dispensat au sieu, e remetrà lu Prèmis de Nissart ai liceans de Sasserno qu’an obtengut lu melhors resultats a la 20a Dictada Occitana en nissart.

L’eveniment si debanerà dins l’establiment Sasserno (1-3 Plaça Sasserno, 06000 Nissa) dins la sala 01.

Vaquí la tiera dei escolans que seràn premiats:

  • Etan BONTEMPS, Terminala D
  • Jòi CHIAJESE, Terminala B
  • Inès BENHARRATS, 1a D
  • Tèo BONTEMPS, 1a D
  • Juli PECQUENARD-DROITAN, 1a F
  • Júlia ALLARI-GALLO, 2a C
  • Julieta PUPPO, 2a E

Receuràn caduna e cadun lo Prèmi de Nissart per lu sieus resultats a la 20a Dictada Occitana en nissart (tèxt d’Alan GASIGLIA sus lo tèma de la tempèsta Alex). Receuràn tanben de libres e de Nissarts (moneda locala) regalats per la Vila de Nissa, lo Departament dei Aups-Maritimi, li associacions Nissa Pantai, República de Nissa e la Federacion dei Associacions dau Comtat de Nissa.

L’establiment Sasserno es lo solet establiment privat sota contracte de l’Acadèmia de Nissa que dispensa de cors de lenga regionala.

Seràn presents per onorar aquest eveniment:

  • Un representant de la Vila de Nissa e de la Metropòli Nissa-Costiera d’Azur,
  • Eric CIOTTI, per representar lo Conseu Departamental e l’Assemblada Nacionala,
  • Estèu HUARD, director de l’establiment Sasserno,
  • Rosanna PELLICANE, directritz-ajoncha per lo licèu de l’establiment Sasserno,
  • Cristòu DAURORE, professor d’occitan nissart a l’establiment de Sasserno despí dau 2010,
  • Ciril JOANIN, president de Nissa Pantai – Centre Cultural Occitan País Nissart e Alpenc,
  • Diana VAINER, representanta de la República de Nissa,
  • Robèrt OBERTI, representant de la Federacion dei Associacions dau Comtat de Nissa,
  • Alan GASIGLIA, autor en occitan nissart dau tèxt “Petan d’Alex” de la 20a Dictada Occitana en nissart.

Lo conselhier dau rector per li lengas regionalis es excusat.

Per mai d’informacions, podètz contactar dirèctament Nissa Pantai:

  • Per telefòn au 06 71 18 61 21
  • Per corrièl a info@nissapantai.org

Vos convidam d’escotar Ràdio Nissa Pantai sus Internet e mai sus Androïd gràcia a la noastra aplicacion per esmartfòns.

Daissar un comentari

Vòstra adreça de messatjariá serà pas publicada.