Nissa Pantai organiza la 17a Dictaia Occitana en vivaroalpenc mentonasc per u collègians e liceans de Mentan:
- O dimars 2 e dimècres 3 de febríer damb e classe de 3a d’u collègis Maurois e Vento.
- O dijòus 4 de febríer damb e Terminale dau licèu Curie.
Aquesta Dictaia Occitana se debana dins 30 vilas d’Occitània, coma a París mas tanben a Barcelona ona l’occitan ese lenga cooficiala damb o catalan, ò encara a Albocasser e Valéncia.
Es un eveniment a gratis e reservat a u scolaros d’aquele scòre, damb de remese de prèmis a totes u participants.
O tèxt ese trach dau libre “De valaias en valaas” pareshut ae edicions CREO-IEO Provença e serà dictat per o sen autor Laurenç REVÈST, professor d’occitan vivaroalpenc dins aquelu stabilimentes scolaros.
La Dictaia Occitana permete a totes aquelu que conoishan un pauc a lenga de temptar de scríver la. Tote e grafie san acceptaie. Convivialitat e bona umor san a l’apuntament, l’essencial ese de participar!
L’eveniment serà enregistrat e redifusat per a Ràdio Nissa Pantai.
Per mai d’informacions, polètz contactar dirèctament Nissa Pantai:
- Per telefòn au 06 71 18 61 21
- Per email a info@nissapantai.org
Vos convidam a escotar Ràdio Nissa Pantai sus Internet, sus Iphone e Ipad, e mai sus Androïd gràcias a l’aplicacion de la ràdio.