Lo dissabta 2 de setembre de 10h00 a 18h00 si debanerà lo Mercat Literari de Calènas a l’Estacion dei Camins de Fèrre de Provença (Gara dau Sud, 35 Avenguda Malaussena a Nissa).
L’eveniment es organizat da l’Associacion dei Professors dei Lengas Regionali (APLR) de l’Acadèmia de Nissa, en partenariat emb la Vila de Nissa.
Li porretz retrobar Nissa Pantai que vendrà lo Calendari Nissart 2024 e sobretot presentarà L’Abecedari Occitan d’Andriu Abbe, lo novèu libre que ven d’editar.
Au programa:
- 10h00 – Dubertura dau mercat
- 11h00 – “Joan PIZZO, un poèta nissart”: Rescòntre emb Clàudia GARDON, autora, en preséncia d’Elisabeta PIZZO
- 13h30 – Presentacion de 4 obratges seleccionats per l’APLR en preséncia dei autors:
- Coun, Qu’es aquò?, Edicions Gilletta, 2023
- Sabrina DAILLIEZ, Lo Pichin Nissart [Le Petit Niçois], Elix Edicions, 2023
- Jòusep-Rosalindo RANCHER, La Nemaïda, IEO06, 2023
- Veronica CHAMPOLLION, Lo Viatge de Santa Reparata, Ichnos Edicions, 2023
- 14h30 – “Dau temps que Bèrta pilava. Li aventuras de Francés-Emmanueu FODERÉ dins lo Comtat de Nissa 1801”: Conferéncia emb Alex BENVENUTO, istorian e escrivèire
Seràn presents un molon d’autres editors e autors.