Li 8, 9 e 10 de julhet, Barvèr, vilatge quilhat de Vesubiá Auta, acuelhe lo festenal “Rescòntre de Sonhaires”.
Aquel festenal a per tòca de presentar per tots li tipes de public li músicas tradicionalas e popularas de Nissa, das sieus valaas e mai das valaas occitanas de’n Piemont, per de concèrts, de balètis e divèrsas animacions dins lo vilatge.
D’estranom “lo País de l’Alegria”, lo vilatge de Barvèr manten una tradicion ben ancoraa de fèsta, d’escambi, de partatge, e a tostemps entretengut una cultura a l’entorn dal patrimòni cultural e sobretot dals instruments emblematics de la valaa de Vesubiá: lo fifre e lo tambal. Ensin, li son un molon d’istòrias de vilatges qu’evòcan lis escambis emb-as valaas vesinas de Val Ges e de Ròia, situaas aüra en Itàlia.
Dins aquel contèxte de música, d’escambi, de rescòntres, Barvèr poliá èstre que lo luec d’apontament d’un tal festenal.
Programa dal “Rescòntre de Sonhaires”
- 8 de julhet a 21h00 a la Glèia Sant Pèire Sant Pau – Trio de músicas tradicionalas alpencas
- 9 de julhet:
- 20h30 a la Glèia Sant Pèire Sant Pau – Còr polifonic “Li voses dal Daü”
- 21h00 dins lo vilatge – Animacion per “Li Fifres e Tambals dal País Nissart”
- 21h30 dins la Plaça Cort – Grand concèrt e balèti emb-al grop “Lo Dalfin”
- 10 de julhet:
- 15h00 – Regropament al caireforc de Pavy e grand passacarriera de tots li sonhaires fins a la Plaça Cort
- 16h30 – Li sonhaires de la Granda Orquèstra Occitana rescòntran a l’ocasion d’un concèrt balèti li fifres e tambals das valaas dal País Nissart e Gavòt, un espectacle metent en preséncia un cinquantenal de sonhaires.
Lo comitat das fèstas de Barvèr acompanharà lo festenal en prepauvant una begüa sus la Plaça Cort, sensa denembrar lis establiments de restauracion e de venda de beure presents tanben dins lo vilatge. Nissa Pantai li participarà per l’installacion d’un banc de venda dals sieus produches.
L’eveniment es organizat per la Comuna de Barvèr, l’Ofici de Torisme de la Metropòli e li benvolents dal vilatge.
Per mai d’entressenhas, polètz contactar lis organizators:
- Per telefòn al 06 86 62 06 45
- Per mail a rescontro.barver@gmail.com