Diaspora occitane, histoire et actualités. Complements

« Diaspora occitane, histoire et actualités ». Complements

Cu conoishe l’escrivana la mai occitana de las autralianas « Blanche d’Alpuget » ò son paire « Louis Albert Poincaré d’Alpuget » ?

800px-Une_ruelle_en_escalier_à_Puget-Théniers
Carriera dal Puget

En fach s’agisse d’una descendenta d’una familha d’exiliats d’Occitània, familha originària dal Puget. Prenguèt lo siu nom de familha d’après Lo Puget, ò Lo Puget de Tiniá (Puget-Théniers), nom de la capitala de Vigaria de La Tiniá al sègle 13: « dal Puget », vengut après « d’Alpuget ». Los sius antenats serian de judius occitans (shuadits) refugits al Puget dal temps de la prosperitat econòmica de la ciutat alpenca, coma òu recòrda la placa installaa dins la charriera judaïca « Ghetto juif 13-16 ».

Si ditz que la region de l’Esteron e dal Var mejan siguèron de refugis per los pastres per las religions (valdeses, protestants, judius), coma lo ditz la tradicion populara amb « Lo Fugeiret » (Le Fugeret) pròche d’Annòt, « Sant Joan dau Desert » (Saint-Jean-du-Désert) a Entrevaus, mai relevaa per lo padre Bonifassi: en lo Chanant, lo mond disian cha- per causa de la preséncia anciana dals refugits ebrèus dins la region…

De mai, ben sovent los judius occitans (que parlavan lo shuadit, ò judeo-occitan) avian lo nom de las vilas ont residavan e ont èran integrats. Mas tots los noms de familhas que venon de noms de vilas singifican ren especificament una judaïtat, pòon sinhificar tanben l’origina geografica, la sinhoria, eca. Poèm citar de noms de familhas Lunel (Armand Lunel…), Milhaud (Darius Milhaud…), Marseille, Carcassonne, Avignon, Toulon…

Istòria interessanta, non ? I a de que escriure una pèça de teatre !

P.S.: un nom de luec pòl al contrari venir d’un nom de persona, coma l’avèm trobat dins una ferma nomenaa « Le Franchiman » de lòng de Durença dins las Alps (en limit de 04 e de 05).

Laurenç REVEST