Lu determinants possessius
Lo determinant possessiu s’emplèga coma l’article definit mas sièrve a indicar a cu aparten l’objècte designat:
- Es lo sac de Joan → Es lo sieu sac
- La veitura es a tu → Es la tieu veitura
Lu determinants possessius son totjorn precedits de l’article definit LO, LA, LU, LI e davant dei noms comuns, si declinan ensin:
| Masculin singular | Femenin singular | Masculin plural | Femenin plural |
| lo mieu lo tieu lo sieu lo nòstre lo vòstre lo sieu | la mieu la tieu la sieu la nòstra la vòstra la sieu | lu mieus lu tieus lu sieus lu nòstres lu vòstres lu sieus | li mieus li tieus li sieus li nòstri li vòstri li sieus |
Davant dei noms de parentat ascendenta, lu determinants possessius si declinan sensa article au singular:
| Masculin singular | Femenin singular | Masculin plural | Femenin plural |
| mon ton son nòstre vòstre son | ma ta sa nòstra vòstra sa | lu mieus lu tieus lu sieus lu nòstres lu vòstres lu sieus | li mieus li tieus li sieus li nòstri li vòstri li sieus |
Lu ligaments de parentat descendenta son pas pertocats:
- Mon paire, ta maire, sa sòrre, nòstre paigran, vòstra tanta, son rèire
- Lo mieu fiu, la tieu filha, la sieu nèça, lo nòstre cosin, lo vòstre felen, lo sieu conhat