Atalher de construccion de carres de Carneval
Despí dau 1999, Nissa Pantai mèna cada an d’atalhiers de construccion de carres de Carneval per lu quartiers de Nissa e de comunas coma Coarasa, Drap, Grassa, Pelhon ò La Ternitat-Victor.
Carneval Independent de Nissa
Despí dau 2012, Nissa Pantai s’ocupa tanben de la gestion e l’organizacion dau Carneval Independent de Nissa, un carneval liure e a gratis, creat en lo 1990 per lo grop de musica Nux Vomica e que siguèt enebit en lo 2008. Lo Carneval Independent es estat tornamai autorizat a Sant Ròc e dins un format reduch: passacarriera en música embau carre de l’associacion, mandar de farina e de Palhasso.
L’eveniment es totjorn mediatizat e fa lo bonaür dei enfants dei familhas que si passèjan lo diménegue sus la plaça Sant Ròc.
