Activitats – Atalhiers de música e cant

Nissa Pantai organiza d’atalhiers de cant e música que son l’ocasion de descurbir la rica diversitat de la musica tradicionala dau país nissart e alpenc emb un repertòri original de cançons populari gaire conoissudi. Si cantan tanben de cançons d’Occitània tota.

Aquelu atalhiers an menat a la creacion dei Misteriós, un grop de música constituit de votz e d’instruments tradicionals (sansonha, violon, tamborin de còrdas, cogordon). Lo grop dei Misteriós dona sovent de concèrts mentre dei divèrs eveniments culturals que si debanan dins l’annada.

Lu atalhiers si debanan cada divendres de 19h00 a 21h00 dins la sala de la Glèia Sant Jòusep, au 22 Carriera Beaumont.