L’associacion Nissa Pantai organiza per la 25a annada de seguida lo sieu atalhier de Carneval. Lo darrier atalhier de Carneval si debanerà dissabta lo 4 de febrier a 11 oras a la Placeta Lentulo (via Romana, 06000 Nissa Pastor), a costat de l’arrèst de trambalan “Espitau Pastor”.
L’atalhier es a gratis, dubèrta en toi e s’acaberà a 12h30.
Li farem la pintura sus lo còrs d’una gròssa tèsta e porterem lu vestits per s’aparar. Ensin, realizerem aquest an un pichin carre representant un monument de Nissa que, segon nautres, deuria èstre classat au Patrimòni Mondial de l’UNESCO: l’estàtua nissarda de l’eròi Pepin Garibaldi (naissut a Nissa en lo 1807 e mòrt a Caprera en lo 1882).
Aquesto pichin carre, acompanhat dei mandaires dau Palhasso, participerà au:
- Carneval de l’OGC Nissa a l’estadi Allianz Riviera, lo 18 de febrier a 14h00,
- Carneval de la Vila Vielha de Nissa, lo 19 de febrier de 11 oras dins a 14h30,
- Carneval dau Territòri Ribas d’en Palhon au jardin Lecuyer a L’Ariana, lo 24 de febrier a 14h00 (mandar dau Palhasso solet),
- Carneval de Nissa, 8a Parada Nissarda, lo 26 de febrier a 14h00,
- Carneval Independent de Nissa, lo 26 de febrier,
- Carneval de la Ternitat, davant de la Maion Comuna, lo 5 de març a 14h00,
- Carneval Casternòu en fèsta a Casternòu-Vila Vielha, lo 25 de març.
E li seràn segurament d’autri datas.
Per mai d’informacions, podètz contactar dirèctament Nissa Pantai:
- Per telefòn au 06 71 18 61 21
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.