Lo dissabta 28 de genoier si debanerà la 21a Dictada Occitana a Nissa:
- Lo matin a 9h30
- Au Centre Universitari Mediterranèu (CUM) de Nissa (65 Camin dei Englés).
La Dictada Occitana es un mejan de valorizar l’escrich en occitan que lo nissart fa part. Si debana lo mesme jorn finda dins diferenti vilas d’Occitània e mai de Catalonha.
Aquest an, farà exactament 20 ans que la Dictada Occitana existe a Nissa despí l’organizacion de la sieu promiera edicion per lo Centre Cultural Occitan País Nissart (CCÒC, futur Nissa Pantai) en lo 2003! L’associacion Nissa Pantai commemorerà aquelu 20 ans per de lecturas de tèxts e un balèti dau grop Coco Beach Balèti lo mesme jorn a 15h00 au Palais dei Reis de Sardenha (Plaça Gautier, Vila Vielha).
La 21a Dictada Occitana es organizada per lo servici Lenga, Cultura e Tradicions Nissardi de la Vila de Nissa, en partenariat emb li associacions Nissa Pantai, l’Associacion dei Professors de Lengas Regionali (APLR), lo Collectiu dei Arts Tradicionals (CAT), la Federacion dei Associacions dau Comtat de Nissa (FACN), l’Institut d’Estudis Occitans (IEO06) e Nissart per Totjorn [Nissart per Tougiou].
Per participar a la Dictada Occitana, vos cau marcar sus lo sit de la Vila de Nissa en emplissent lo sieu formulari en linha.
Per vos marcar au balèti dei 20 ans de la Dictada Occitana au Palais dei Rei de Sardenha, contactatz dirèctament Nissa Pantai:
- Per telefòn au 06 46 62 74 93 / 06 71 18 61 21
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.