Lo diluns 13 de junh a 14h30, Nissa Pantai organiza lo sieu 37n atalhier de coïna en nissart, au Domeni dau Sorgent, situat 303 Camin de Saquier a Nissa sus li còlas de Belet.

Son previsti au programa tres recèptas nissardi emblematiqui:

  • L’ensalada nissarda
  • Lu farcits nissarts
  • La torta de blea

Lo “regim nissart” es bòn per la sanitat perqu’es equilibrat emb d’òli d’oliva, de liumes, de peis e gaire de carn.

Aquest atalhier si farà exclusivament en nissart emb un vintenau d’escolans adults de la Maion dei Seniors de Pòrt Republica e de l’AnimaNice de Cimier, sota l’enquadrament dau coïnier Lioneu VERÒLA e de l’ensenhaire Cristòu DAURORE. Lu ingredients son locals e pagats en Nissarts, la moneda locala de Nissa.

A 19h30 s’enseguerà lo past realizat per lu participants e acompanhat per lo vin de Belet dau Domeni dau Sorgent. Sobra quauqui plaças que podètz encara reservar.

Lo prètz dau past es de 35€ ò 30 Nissarts (auretz una reduccion de 5€ se pagatz en moneda locala Nissart). Lo vin e lo cafè son pas comprés dins lo prètz.

Per reservar ò per tota autra informacion, nos podètz contactar:

  • Per telefòn au 06 71 18 61 21
  • Per corrièl a info@nissapantai.org

Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.

Daissar un comentari

Vòstra adreça de messatjariá serà pas publicada.