Lo dijòus 14 d’abriu a 20:00, porretz escotar en dirècte sus Ràdio Nissa Pantai la 150a edicion de l’emission Corona de Sera, una edicion consagrada a la guèrra en Ucraïna emb coma convidat Taràs OSTAPCHUK que nos donerà especialament un testimoniatge sus la situacion umanitària en Ucraïna.
Corona de Sera es una emission que passa cada sera a 19 oras, en dirècte lu dijòus e en diferat lu autres jorns de la setmana. Ensin, cada dijòus es convidada una personalitat dau mitan cultural ò politic nissart ò d’Occitània tota e que ven s’exprimir sus divèrs subjèctes d’actualitat. Si parla en nissart e dins toi lu autres dialèctes de l’occitan: vivaroalpenc, provençau, lengadocian, auvernhat, lemosin e gascon.
L’emission es animada per Cristòu DAURORE e Ciril JOANIN, emb la participacion tanben de Cedric ROSSÈU de Ràdio Occitània, una dei ràdios partenàrii de Ràdio Nissa Pantai emb Ràdio Lenga d’Òc.
Vos convidam toti e toi a venir n’escotar dins aquela emission de dirècte.
Per mai d’informacions, podètz contactar dirèctament Nissa Pantai:
- Per telefòn au 06 71 18 61 21
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.