Aquesto dijòus 17 de febrier a 20:00, porretz sègre en dirècte sus Ràdio Nissa Pantai la 147a edicion de l’emission Corona de Sera!

Lo convidat serà Olivier President, paire de familha, professor e cultivator que nos ven de l’Isla de Baish, en Gasconha, e qu’a decidit de si lançar dins la corsa a la presidenciala 2022! Fa la promocion de la sieu candidatura a travèrs dei vidèos publicadi sus la sieu pròpria cadena Youtube.

Corona de Sera es una emission que passa cada sera a 19 oras, en dirècte lu dijòus e en diferat lu autres jorns de la setmana. Ensin, cada dijòus es convidada una personalitat dau mitan cultural ò politic nissart ò d’Occitània tota e que ven s’exprimir sus divèrs subjèctes d’actualitat. Si parla en nissart e dins toi lu autres dialèctes de l’occitan: vivaroalpenc, provençau, lengadocian, auvernhat, lemosin e gascon.

L’emission es animada per Cristòu DAURORE e Ciril JOANIN, emb la participacion tanben de Cedric ROSSÈU de Ràdio Occitània, una dei ràdios partenàrii de Ràdio Nissa Pantai emb Ràdio Lenga d’Òc.

Vos convidam toti e toi a venir n’escotar dins aquela emission de dirècte.

Per mai d’informacions, podètz contactar dirèctament Nissa Pantai:

  • Per telefòn au 06 71 18 61 21
  • Per corrièl a info@nissapantai.org

Vos convidam d’escotar Ràdio Nissa Pantai sus Internet e mai sus Androïd gràcia a la noastra aplicacion per esmartfòns.

Daissar un comentari

Vòstra adreça de messatjariá serà pas publicada.