Lo dissabta 29 de genoier a 9:30 au Centre Universitari Mediterranèu (CUM) de Nissa si debanerà la Dictada Occitana a Nissa.

Aquest an, serà a l’encòup la 20a edicion d’aquest eveniment a Nissa e lo promier còup que serà organizat per lo servici Lenga, Cultura e Tradicions Nissardi de la Vila de Nissa, en partenariat emb li associacions Nissa Pantai, l’Associacion dei Professors de Lengas Regionali (APLR), la Charaïssa, lo Collectiu dei Arts Tradicionals (CAT), la Federacion dei Associacions dau Comtat de Nissa (FACN), l’Institut d’Estudis Occitans (IEO06), Nissart per Totjorn [Nissart per Tougiou] e Òc-Bi Nissa.

Per participar en presencial a la Dictada Occitana, l’inscripcion es obligatòria. Vos podètz marcar sus lo sit de la Vila de Nissa en emplissent lo formulari qu’a mes en linha.

Porretz tanben seguir en dirècte la Dictada Occitana sus la pàgina Facebook de la Vila de Nissa e finda sus Ràdio Nissa Pantai.

Lo tèxt chausit serà indicat ulteriorament e presentat dins li doás grafias oficiali: clàssica e mistralenca. Lu participants presents receuràn de regals per la sieu participacion, especialament un diplòma e un bilhet d’un nissart (moneda locala).

La Dictada Occitana es un mejan de valorizar l’escrich en occitan que lo nissart fa part. Si debana lo mesme jorn finda dins diferenti vilas d’Occitània e mai de Catalonha.

Daissar un comentari

Vòstra adreça de messatjariá serà pas publicada.