Lo dimècres 19 de genoier a 14h00 sus lo parvís dei Menestrels (162 Baloard de l’Ariana, Nissa) si debaneràn lu promiers entraïnaments de mandar dau Palhasso en longor e en auçada. Seràn lu enfants dau Centre d’Acuelh per Demandaires d’Asili dau PHARE de l’associacion API Provença que durberàn aquelu entraïnaments per lo 33n Campionat dau Mond de Mandar dau Palhasso, previst lo diménegue 30 de genoier sus la Plaça Sant Ròc a Nissa.

Vaquí la lista dei promiers entraïnaments que seràn organizats dins 7 luecs diferents sus 3 comunas (Nissa, Coarasa e Pelhon):

  • Dimècres 19/01 a 14h00 – Parvís dei Menestrels (162 Baloard de l’Ariana, Nissa) embai enfants en demanda d’asili,
  • Dijòus 20/01 a 8h00 – Establiment Sasserno (1 Plaça Sasserno, Nissa) embai liceans dau cors de nissart,
  • Divendres 21/01 a 19h00  – Glèia Sant Jòusep (21 Carriera Smollett, Nissa) embai cantaires dau grop Lu Misteriós,
  • Dissabta 22/01 a 16h00 – Davant la beguda Da Yanis (17 Plaça Alexandre Mari, Coarasa) embai escolans dau cors d’alpenc coarasier,
  • Diménegue 23/01 a 17h00 – Plaça de la glèia Santa Tèucla a Pelhon embai escolans dau cors d’alpenc pelhonenc,
  • Diluns 24/01 a 19h30 – AnimaNice de Cimier (49 Avenguda de la Marna, Nissa) embai escolans dau cors de nissart,
  • Dimars 25/01 a 19h00 – AnimaNice de Sant Antòni (10-12 Plaça Doménegue Fighiera, Nissa) embai escolans dau cors de nissart,

Lo 33n Campionat dau Mond de Mandar de Palhasso si debanerà lo diménegue 30 de genoier a 15 oras sus la Plaça Sant Ròc de Nissa. L’inscripcion es a gratis.

Per mai d’informacions, podètz contactar dirèctament Nissa Pantai:

  • Per telefòn au 06 71 18 61 21
  • Per email a info@nissapantai.org

Vos convidam a escotar Ràdio Nissa Pantai sus Internet, sus Iphone e Ipad, e mai sus Androïd gràcias a l’aplicacion de la ràdio.

Daissar un comentari

Vòstra adreça de messatjariá serà pas publicada.