30/01/2021 – 19a Dictada Occitana a Nissa a 19 oras en dirècte sus Ràdio Nissa Pantai

Lo dissabta 30 de genoier a 19 oras, en dirècte sus Ràdio Nissa Pantai si debanerà la 19a Dictada Occitana a Nissa.

Aquela dictada si farà tanben dins 11 establiments escolars* a Nissa, La Ternitat, Drap, L’Escarea e Mentan, dau 1r au 5 febrier en l’encastre dei cors d’occitan nissart e alpenc.

L’eveniment es organizat da Nissa Pantai e l’escòla bilingüa Calandreta Maurís Sgaravizzi. La dictada, difusada en dirècte sus la ràdio, serà recitada per lo sieu autor Pau Gaymard, emb una version en occitan alpenc e una autra en occitan nissart. Lo tèxt còmpta 41 mots per lu pichoi, 64 per lu collegians, 115 per lu liceans e 154 per lu mai experimentats. L’autor expliquerà lo sieu tèxt e lo corregit serà afichat sus lo sit de Nissa Pantai. Cada participant receurà un regal de la Vila de Nissa, dau Departament dei Aups-Maritimi, de la Region Provença-Aups-Costiera d’Azur e de la Federacion dei Associacions dau Comtat de Nissa.

Nascut en lo 1945 e originari de Chasternòu d’Entraunas, Pau Gaymard es un ancian professor de tecnologia e escriu un molon d’articles per Lo Jornalet.

Per mai d’informacions, podètz contactar dirèctament Nissa Pantai:

  • Per telefòn au 06 71 18 61 21
  • Per e-mail a info@nissapantai.org

Vos convidam a escotar Ràdio Nissa Pantai sus Internet e mai sus Androïd gràcia a la nòstra aplicacion per esmartfòns.

* Tiera dei 11 establiments:
– A Nissa: Collègi Risso, Licèus Sasserno, Massèna, Parc Imperial e Estienne d’Orves
– A La Ternitat: Collègi de La Borgada,
– A Drap: Licèu Goscigny
– A l’Escarea: Collègi Rabelais
– A Mentan: Collègi Maurois, Collègi Vento, Licèu Pierre e Marie Curie