2020/09/24-27 – 2d Festenal « Vocàlia dals Palhons »

Dal 24 al 27 de setembre si va debanar lo 2d « Vocàlia dals Palhons », Festenal Occitan de las votz dals Palhons, successivament a Coarasa, Luceram, Cantaron e Nissa.

DIJÒUS 24 DE SETEMBRE – COARASA

19h00 | Beguá Chez Yanis | Emission en dirècte sus Ràdio Nissa Pantai

103a edicion de s’emission Corona de Sera, difusaa en dirècte de sa beguá Chez Yanis a Coarasa e realizaa en partenariat emb Ràdio Occitània e Ràdio Lenga d’Òc. Si parlerà dal juec tradicional so pilo embals tres convidats que seràn:

  • Crestian BEZET, pairin dal festenal,
  • Calènas DELFIN, cantaire dal grop Lu Barbalucos [Lu Barbalùcou],
  • Manèu MARI, dal grop Un Giro ‘mé lu Vielhs e ancian campion dal mond de pilo.

DIVENDRES 25 DE SETEMBRE – LUCERAM

19h00 | Al vilatge | Emission en dirècte sus la pàgina Youtube de Cultura Viva Television

Caminaa e una chamaa dins las carrieras dal vilatge. Li si rescontreràn:

  • Miquèla MAURIN, de l’associacion Cuisine de Lucéram et d’ailleurs,
  • Bernard FRUCHIER, especialista dal luceramenc, parlar occitan alpenc.

La chamaa serà animaa per Nissa Pantai e Lu Barbalùcou emb:

  • Ciril JOANIN a la sansonha,
  • Diana VAINER a la dança,
  • Calènas DELFIN al iocolelé e al cant,
  • Vanèssa DAMAY al violon. 

L’eveniment serà immortalizat per Dàvid ASSÀS-SILVERI e Patrici ARNAUDO al micro e a la camèra dal nòstre partenari Cultura Viva Television mentre que Cristòu DAURORE serà al micro per explicar lo juec de carta local lo vito

DISSABTA 26 DE SETEMBRE – CANTARON

19h00 | Sosta de la Sala de las Fèstas | Beguá e manjuca per Nissa Pantai.

Libraria de Nissa Pantai, dedicacis dals autors Zine, Sylvie T e Pascal Colletta.

20h30 | Sosta de la Sala de las Fèstas | Concèrt e juec de morra emb:

  • Zine:  lo nòstre « passeron azurean » plen d’optimisme, dins la representacion e lo dedicaci dal sieu obratge bilingüe « Cantatas d’Azur » paregut l’an passat da Baie des Anges Éditions. Presenterà per l’escadença qualqu’unas de las sieus melhoras represas parodicas a la guitarra e finda qualquas composicions, dins un ambient intimista. Un pur moment de poesia en perspectiva. Podètz trobar mai d’informacions sus l’artista aquí.
  • « La Morra dals Quatre Cantons » [Mourra das Quatre Cantouns], aquesta associacion mete a l’onor la morra qu’es « mai qu’un juec, un dals pilastres de la nòstra cultura », coma o ditz Pascal COLLETTA que ven tot bèl just de sortir un novèl libre, a las edicions Mémoires millénaires.
  • Lu Barbalucos [Lu Barbalùcou], grop de la Valaa d’en Palhons, compauat de 4 musicians que venon toi d’orizonts diferents mas animats per la mesma passion que son las musicas e las danças tradicionalas, mas denant de tot nissarda e piemontesa, doncas occitanas.

Per luchar còntra la pandèmia dau coronavirus, fornisserem de màsqueras decoradas, gants e gèl idroalcolic.

DIMÉNEGUE 27 DE SETEMBRE – NISSA

La barraüra dal 2d « Vocàlia dals Palhons » emb la 23a Fèsta d’Occitània a Nissa al Teatre Francís Gag. Occitània es l’espaci de la lenga occitana que si compaua de 7 dialèctes: nissart, vivaroalpenc, provençau, lengadocian, auvernhat, lemosin e gascon.

15h00 | Teatre Francís Gag | Música, palhasso e teatre emb al programa:

  • Música occitana emb lis fifres e tamborins de Lo Cepon de Vença.
  • Mandar de palhasso de l’artiste Ben VAUTIER: lo palhasso anerà dins lis aires gràcia als lançaires de Nissa Pantai.
  • Teatre en nissart emb la pèça « Mas que chaple ! », una pèça de Nicòla DUCOUSSO e Pèire FANTIN interpretaa per La Chorma Nissa Pantai. Tres celibataris de Valdeblora van rescontrar tres celibataris de Nissa …

Lo festenal es organizat da Nissa Pantai embal sosten de la Region Sud- Provença Alps Costiera d’Azur, lo Conselh Departamental dals Alps Maritimes, la Vila de Nissa, la Vila de Cantaron e la República de Nissa (federada a la Republica Federala Occitana).

Crestian BEZET serà la pairin d’aquesto festenal, que li beneficis obtenguts seràn integralament reversats al projècte de dubertura d’una escòla bilingüa (nissart-francés) associativa Calandreta.

Lis eveniments e espectacles dal 2d « Vocàlia dals Palhons » passeràn en exclusivitat sus la Ràdio Nissa Pantai que difusa despí 12 ans de música e de cant tradicionals en lenga occitana e que podètz aüra escotar en que luec que sigue gràcia a la sieu novèla aplicacion per esmartfòns.

Tarifas:

  • Dijòus 24 de setembre – emission de ràdio en dirècte sus Ràdio Nissa Pantaia gratis
  • Divendres 25 de setembre – emission vidèo en dirècte sus la pàgina Youtube de Cultura Viva : a gratis
  • Dissabta 26 de setembre – concèrts + morra: 10 ò 8 Nissarts/€ per persona (a gratis per lis -18 ans)
  • Diménegue 27 de setembre – música + palhasso + teatre : 10 ò 8 Nissarts/€ per persona (a gratis per lis – 18 ans)

Possibilitat de pagar en Nissart, la monea locala! 

Per tota entresenha e reservacion, poètz nos contactar:

Programacion dal 2d Vocàlia dals Palhons

Per mai d’informacions: