15a Dictaia Occitana en mentonasc (occitan alpenc)

Nissa Pantais – Centre Cultural Occitan País Nissart e Alpenc organiza a 15a Dictaia Occitana en mentonasc, per u scolaros d’u collègios e licèu de Mentan, aquer lunerdí (luns) 10 de febraro a 10:00 damb u scolaros de 3a dau collègio Maurois, a 12:00 damb u 5e dau collègio Vento e a 14:00 damb u Terminale dau licèu Curie.

Aquela Dictaia se debana egalament dins 38 vila d’Occitània, coma a París, mas tanben a Barcelona que l’occitan i ese lenga cooficiala damb o catalan, o encara a Palma de Malhòrca e Valéncia.

A gratis, ese dedicaia a u scolaros, collegians e liceans d’u corses d’occitan alpenc (sonat tanben vivaroalpenc) d’u stabilimentes scolaros de Mentan e L’Escarea e d’occitan nissart de Niça e La Trinitat qu’auràn una remesa de prèmis (libres e diplòmas). Es un jueg concors dubèrt a totes e gratis. Rassegurètz-vos, non es a còpia occitana d’a dictaia de Monsur Pivot !

O tèxt Magalí de Mentan de Pier o Guinho [Pié ou Ghignou] dictat per Laurenç REVÈST, professor d’occitan vivaroalpenc mentonasc dintre aquelu stabilimentes ese trach d’a revista entierament en lenga d’Òc « Lou Ficanas » dau 23 dau mes d’a Madòna dau 1891, que pareissian de tèxtes en alpenc mentonasc e escareasc coma en provençal e niçard.

Ne’n vaicí un estrach: « N’a ren d’a ver ni damb [Frederic] Mistral, ni damb Mirelha ; aquò san d’autre ! » [N’a ren da vé ni dame [Frederic] Mistral, ni dame Mireille ; acò san d’aoutre !…].

Aquer tèxt permete a totes aquelu que conoissan un pauc a lenga de temptar de scríver-la, tote e grafie san acceptaie. A tòca ese de motivar u scolaros, redonar un image positiu d’a lenga totjorn presenta dintre e vile e u vilatges dau païse mentonasc aüra.Convivialitat e bona umor san a l’apontament, l’essencial ese de participar !

L’eveniment d’a Dictaia ese registrat per a Ràdio Nissa Pantai que poe scotar-se paríer despui o telefonet. A lenga nòstra ese ben modèrna tanben!

Per mai d’informacions, podètz contactar dirèctament Nissa Pantai:

  • Per telefòn au 06 71 18 61 21
  • Per corrièl a info@nissapantai.org

Vos convidam d’escotar Ràdio Nissa Pantai sus Internet e mai sus Androïd gràcia a la noastra nòva aplicacion per esmartfòns.