Publié par L’autora dau tèxt de la dictada es l’autora, comediana, compositritz e cantairitz occitana de Nissa Zine. Si fa sonar de còups « Miss Pantai », ò « lo passeron d’Azur », ò encara « la Palhassina ». Lo sieu darrier libre de cançons « Cantates d’Azur » (edicions Baie des Anges, 2018) adapta en nissart de cançons mondialament conoissudi. Siguèt realizat emb lo sosten de Reinat Pèire ANFOSSO dich « La Sciença » (1942-2016).
La tècola d’aquesta operacion es de rendre li sieus lètras de noblessa a l’occitan nissart qu’es mai conoissut per la sieu oralitat que per lu sieus escrichs. Lo tèxt de la dictada permeterà a toi aquelu que conoisson un pauc la lenga de temptar de l’escriure, toti li grafias estent acceptadi.
L’eveniment es a gratis e dubèrt en toti e en toi, emb de remesas de prèmis a toi lu participants. Convivéncia e boana umor son asperadi, l’essencial es de participar !
Au programa :
- 13:00 – Acuelh dei participants e dei personalitats,
- 13:40 – Presentacion de l’eveniment,
- Dictada dau tèxt da la sieu autora Zine,
- Balèti (bal tradicional occitan) animat da la chorma L’as pagat lo capèu,
- Remesa dei diplòmas e dei prèmis de la 18a Dictada Occitana,
- 17:00 – Fin de la manifestacion.
Aquest eveniment es organizat dai associacions Nissa Pantai – Centre Cultural Occitan País Nissart e Alpenc e Lu Amics de l’Escòla Calandreta Nissarda, e serà registrat e difusat da Ràdio Nissa Pantai.
Per mai d’informacions, podètz contactar dirèctament Nissa Pantai:
- Per telefòn au 06 71 18 61 21
- Per corrièl a info@nissapantai.org
Vos convidam d’escotar Ràdio Nissa Pantai sus Internet e mai sus Androïd gràcia a la noastra nòva aplicacion per esmartfòns.
Un commentaire
Commentaires fermés