L'emission de Nissa Actu "Rescòntre emb…" passa aüra tanben sus Ràdio Nissa Pantai !

A comptar d’aquesta setmana, Ràdio Nissa Pantai difusa regularament, cada jorn dau diluns au dissabta a 20 oras, la novèla emission dau noastre partenari Nissa Actu: « Rescòntre emb…«  qu’entrevista de personalitats emblematiqui de l’OGC Nissa. 

Nissa Actu entrevistèt l’argentin Pablo Rodriguez, aiglon dau 1998 au 2004, mai comunament nommat « Pablito », e que respondèt ai questions mentre mai d’una ora. Si tractèt dei subjèctes mai divèrs, coma la sieu enfança dins una Argentina tocada da la dictatura militara, lu sieus projèctes futurs, d’anecdòtas amaisanti e ben segur dau Gim. 

Despí mai d’un an, Nissa Pantai e Nissa Actu entretenon un partenariat fructuós portat essencialament sus lo tèma de l’OGC Nissa. A partir d’aquesta setmana, aquesto partenariat a passat una etapa de mai emb la difusion regulara sus Ràdio Nissa Pantai dei registraments audio dei entrevistas de Nissa Actu.