Ràdio Nissa Pantai difusa 2 reportatges exclusius sus la manifestacion de París per li lengas minorizadi

A partir d’aquesta setmana, porretz escotar sus Ràdio Nissa Pantai doi reportatges exclusius sus la manifestacion de París per li lengas minorizadi (dichi regionali) que si debanèt lo dissabta 30 de novembre passat.

Lu doi reportatges siguèron realizats per li emissions:

  • Li belugas de Cristòu – Retransmission de la manifestacion de París.
    • 18:00 lu diluns e dijòus,
    • 14:00 lu dimars e divendres,
    • 09:00 lu dimècres e dissabta. 
  • Vision dal mond – Entrevista dau jornalista e blogaire Jacme Delmàs que parla dei occitans que son anats a la manifestacion.
    • 09:00 lu diluns e dijòus,
    • 18:00 lu dimars e divendres,
    • 14:00 lu dimècres e dissabta. 

An aquesta manifestacion participèron un grop de liceanas e liceans, ensin que d’ensenhairas e ensenhaires de nissart, venguts dins un carre finançat per un collectiu d’associacions recampant: l’Associacion dei Professors de Lengas Regionali (APLR), l’artista Ben Vautier, la Chamada Nissarda [Ciamada Nissarda], la Charaïssa [Charaìssa], Cultura Viva, Escòla Bellanda, la Federacion dei Associacions dau Comtat de Nissa (FACN), la Federacion dei Ensenhaires de Lenga e Cultura d’Òc (FÈLCO), l’Institut d’Estudis Nissarts,  l’Institut d’Estudis Occitans 06, Nissa la Bèla [Nice la Belle], Nissa Pantai, Nissa Pilo, Nissart per Totjorn [Nissart per Tougiou], Nux Vomica, República de Nissa, la Team Alfonsi e lo Teatre Francís Gag.

Ràdio Nissa Pantai es partenària de Ràdio Lenga d’Òc, de Nissa Actu et de Cultura Viva Televisionmembre de la Federacion dei Associacions dau Comtat de Nissa e titulara dau Labèl Òc de l’Institut d’Estudis Occitans.

Nos podètz escotar sus dau voastre Iphone e Ipad, ensin que sus Androïd gràcia a la noastra nòva aplicacion.