Accéder au contenu principal

121a vísita guidada de Nissa en nissart

Lo dissabta 19 d’octòbre a 10 oras si debanerà la 121a vísita guidada de Nissa en nissart. L’apontament si farà sus la Plaça Garibaldi, davant de l’estàtua de Garibaldi.

La vísita guidada serà assegurada da Cristòu DAURORE que vos guiderà en nissart dins lo Babasoc (Vila Vièlha). Li tornerem descurbir un patrimòni soventifés escondut emb un molon d’anecdòtas.

Fins aüra, son ja vengudi 1786 personas ai vísitas precedenti. L’eveniment serà  registrat e passerà sus Ràdio Nissa Pantai que podètz escotar dapertot emai sus dau voastre esmartfòn gràcia a la nòva aplicacion per Android.

Una participacion de 5€ ò 5 Nissarts (moneda locala) es demandada per l’associacion Nissa Pantai. Lu joves e/ò precaris benefician d’un prètz reduch (3€ ò 3 Nissarts). La vísita es a gratis per lu -12 ans.

La vísita es limitada a 25 participants. Per mai d’informacions, nos podètz contactar:

  • Per telefòn au 06 71 18 61 21
  • Per corrièl a info@nissapantai.org
%d blogueurs aiment cette page :