Accéder au contenu principal

22a Fèsta d’Occitània au Teatre Francís Gag en l’encastre dau 1r « Vocàlia dals Palhons » (Festenau Occitan de Cant Tradicional)

Lo 1r Festenal Occitan de Cant Tradicional « Vocàlia dals Palhons » comença aquesta setmana ! 

Esto diménegue 29 de setembre a 15o00 au Teatre Francís Gag a Nissa (4 Carriera de la Crotz) si debanerà la 22a Fèsta d’Occitània que constituisserà la serada de barradura dau 1r « Vocàlia dals Palhons ».

Au programa d’aquesta jornada: 

  • Lo Cepon: 40 ans de música dau País a escotar ò a balar.
  • Lei Baissas Lusèrnas [Lei Baisso Luserno]: un grop folcloric de Grassa. 
  • Lo Còr de Nissa Pantai: grop format dai participants de l’atalhier de cant e musica de Nissa Pantai.
  • La Chorma de Teatre de Nissa Pantai.
  • La Banda a Cana canta li sieus cançons d’encuèi en nissart 100% bio. Lo sieu pantais es de faire sortir aquela lenga esconduda en la boca dei nissarts.

Lo prètz de l’intrada es de 10€ ò 10 Nissarts (moneda locala). Podètz tanben pilhar lo passapoart per 3 seradas (27, 28 e 29/09) per solament 20€ ò 20 Nissarts.

Per tota informacion e/ò reservacion, nos podètz contactar:

  • Per telefòn au 06 71 18 61 21
  • Per corrièl a info@nissapantai.org

Lo festenau « Vocàlia dals Palhons » si debana sus 4 jorns:

Lo pairin dau festenau es Crestian BEZET. Lo benefici dau festenau serà donat au projècte de creacion d’una escòla bilingüa (nissart/francés) Calandreta dins lo país de Nissa. 

L’eveniment passerà sus Ràdio Nissa Pantai que podètz escotar aüra dapertot gràcia a la sieu novèla aplicacion per Android.

%d blogueurs aiment cette page :