Accéder au contenu principal

Zine – Retrach « Degio e Mula Pioggia », un reportatge per Ràdio Nissa Pantai.

Retrach « Degio e Mula Pioggia ». La famoa cantairitz nissarda Zine es anada en li Valadas Occitani, de dont es originària, per faire un reportatge per la Ràdio Nissa Pantai.

A rescontrat Degio, l’òme dei valadas qu’escalada li cimas emb la sieu mula. N’a fach un reportatge complet sus la sieu vida, lo sieu mestier, la sieu passion per li bèstias. Un reportatge que parla de la sieu mula, una occitana eissuda d’un mesclum provençau-pirenenc, pi tanben de la situacion de l’occitan dins li valadas: lo sieu usatge, lo sieu ensenhament a l’escòla, l’influéncia dau torisme, lo museu occitan, l’importància de la musica occitana dei valadas pròche de la joventura.

Lo reportatge passerà sus la Ràdio Nissa Pantai que podètz aüra escotar en que luec que sigue gràcia a la sieu novèla aplicacion per esmartfòns.

%d blogueurs aiment cette page :