1r Festenal Occitan de Cant tradicional « Vocàlia dals Palhons »

Dal 26 al 29 de setembre si va debanar lo 1r Festenal Occitan de Cant Tradicional « Vocàlia dals Palhons », successivament a Pelhon, Còntes, Cantaron e a Nissa.

Lo 1r « Vocàlia dals Palhons » comencerà lo dijòus 26 de setembre per un atalhier de coïna malgacha a Pelhon. S’encadenerà per una seguia de concèrts e d’espectacles animats per 12 grops de cant, musica, dança e teatre, venguts d’Occitània tota e que s’exprimeràn dins 5 dals 7 grands dialèctes de l’occitan (nissart, alpenc, provençal, gascon e lengadocian).

La barraüra dal 1r « Vocàlia dals Palhons » si debanerà lo diménegue 29 de setembre a 15 oras emb la 22a Fèsta d’Occitània a Nissa al Teatre Francís Gag.

Lo festenal es organizat da Nissa Pantai embal sosten de la Region Sud- Provença Alps Costiera d’Azur, lo Conselh Departamental dals Alps Maritimes, la Vila de Nissa, la Vila de Cantaron e la República de Nissa (federada a la Republica Federala Occitana).

Crestian BEZET serà la pairin d’aquesto festenal, que li beneficis obtenguts seràn integralament reversats al projècte de dubertura d’una escòla bilingüa (nissart-francés) associativa Calandreta.

Lis eveniments e espectacles dal 1r « Vocàlia dals Palhons » passeràn en exclusivitat sus la Ràdio Nissa Pantai que difusa despí 11 ans de musica e de cant tradicionals en lenga occitana e que podètz aüra escotar en que luec que sigue gràcia a la sieu novèla aplicacion per esmartfòns.

Programacion dal 1r Vocàlia dals Palhons

Per mai d’informacions: