63n Festenau Internacional de Folclòre de Nissa « La Farandòla »

Dau 14 au 18 d’aost si debanerà a Nissa la 63a edicion dau Festenau Internacional de Folclòre « La Farandòla » qu’acuelherà aquest an lu grops folclorics d’Armenia, Calmoquia, Colombia, Guatemala, Ozbequistan e Tanzania. 

Programa dau festenau

DIMÈCRES 14/08/2019

• 17h00 a la Comuna – Ceremònia de Dubertura

• 19h00-21h00 Plaça St Francés – Espectacle de Dubertura, emb Colombia, l’Ozbequistan, la República de Calmoquia, Guatemala e Tanzania

DIJÒUS  15/08/2019

• 18h00 sus la Colada Verda – Passacarriera dei Nacions

• 19h00-21h00 Espaci dei brumas – Espectacle Descuberta emb Colombia, Ozbequistan, la República de Calmoquia, Guatemala, Tanzania e lo Comtat de Nissa

DIVENDRES 16/08/2019

• 18h00-19h30 Parvís dau Teatre de Verdura – Iniciacion ai danças de la República de Calmoquia, de Guatemala e de Tanzania

• 20h00-22h00 au Teatre de Verdura – Espectacle Viatge emb la República de Calmoquia, Guatemala e Tanzania

En serada dins li comunas de la Metropòli: Colombia a La Gauda, Ozbequistan a St Dalmàs de Selvatge

DISSABTA 17/08/2019

• 10h30-12h30 en Vila – Animacions: Parvís de la Gara dau Sud, Noastra Dòna, Lo Cors, Plaça St Francés, Mercat St Ròc

• 18h00-19h30 Parvís dau Teatre de Verdura – Iniciacion ai danças d’Armènia, de Colombia e d’Ozbequistan

• 20h00-22h00 au Theatre de Verdura – Espectacle Viatge emb Armènia, Colombia e Ozbequistan

En serada dins li comunas de la Metropòli: La República de Calmoquia a Clanç, Guatemala a St Joanet, Tanzania a Barver

DIMÉNEGUE 18/08/2019

• 17h00 au Quiòsc a musica – Ceremònia de la Patz

• 19h00-22h00 au Teatre de Verdura – Gala de barradura, emb Armènia, Colombia, Ozbequistan, la República de Calmoquia, Guatemala, Tanzania e lo Comtat de Nissa

« La Farandòla » es lo mai ancian festenau de folclòre d’Euròpa. Mes en sòm après la sieu 60a edicion, es estat remés a l’òrdre dau jorn en lo 2017 sota l’impulsion dei grops folclorics de la vila (La Chamada Nissarda [Ciamada Nissarda] e Nissa la Bèla [Nice la Belle]) emb lo sosten de la Vila de Nissa. 

Despí dau 2017 e de la sieu 61a edicion, « La Farandòla » acuelhe cada estiu, sus la Baia dei Àngels e lu sieus alentorns, de grops de folclòre internacionals que partèjan embai associacions culturali e grops folclorics locals l’envueia de faire descurbir e recampar li gents a l’entorn dei sieus culturas. 

La Vila de Nissa, en collaboracion emb Lo CAT ([Lou CAT] Collectiu dei Arts Tradicionals) e lu sieus benevòls organizan per aquò faire un festenau de 5 jorns emb de representacions tant a Nissa (Teatre de Verdura, Plaça Sant Francés) coma dins li vilas e vilatges vesins per far beneficiar au mai grand nombre de la riquessa e de la diversitat dei culturas dau mond.