Accéder au contenu principal

Entrevista exclusiva de Ferriol MACIP BONET sus Ràdio Nissa Pantai

Aquesta setmana podètz escotar cada jorn a 13 oras e a 19 oras (levat la dimenjada) en exclusivitat sus Ràdio Nissa Pantai, l’entrevista de Ferriol MACIP BONET realizada da Ciril JOANIN e Cristòu DAURORE en l’encastre de l’emission « Caire Politic » .

Ferriol MACIP BONET es lo cap redactor dau Jornalet, la famoa gaseta occitana d’informacion qu’es de mau contornejar. D’origina catalana, Ferriol, qu’està a Barcelona, parla perfiechament l’occitan, tant aranés que lengadocian.

Militant engatjat, per la causa tant catalana coma occitana, faguèt un passatge a Nissa au mes de mai passat. La chorma de Ràdio Nissa Pantai n’aprofichèt per lo rescontrar e l’entrevistar mentre d’una ora. Per la mesma escadença, Ferriol MACIP BONET entrevistèt la chorma de Ràdio Nissa Pantai per Betevé, la television de Barcelona.

L’emission Caire Politic vos fa descurbir aquesta setmana aquesta entrevista exclusiva dins la quala Ferriol MACIP BONET parla dau sieu percors de militant, de l’istòria dau Jornalet, de la crisi de l’occitanisme e de la situacion actuala en Catalonha. Una entrevista foarça rica en informacions e ensenhaments.

L’emission « Caire Politic » passa cada jorn dau diluns au divendres a 13 oras pi a 19 oras.

%d blogueurs aiment cette page :