Accéder au contenu principal

Nissa-Mónegue en dirècte e en nissart sus Ràdio Nissa Pantai

Divendres lo 24 de mai a 21 oras sus Ràdio Nissa Pantai, Ciril JOANIN e Elisa DI BELLA comenteràn en occitan nissart, en l’encastre de l’emission FotPantai, lo rescòntre Nissa-Mónegue que còmpta per la 38a jornada de Liga 1. S’agisse dau tot darrier rescòntre de Liga 1 d’aquesta sason.

A 19o30, denant dau rescòntre, serà organizat au Cafè dei Aiglons un apontament emb doi ancians jugaires de l’OGC Nissa: Mahamane TRAORE e Philippe N’DIORO. L’eveniment serà retransmés en dirècte vidèo dau noastre partenari Nissa Actu !

Per la sason de Liga 1 (2018-19), comentam toi lu rescòntres a maion e un rescòntre au defoara: au Múnegu (Mónegue).

Ràdio Nissa Pantai es partenària de Ràdio Lenga d’Òc, de Nissa Actu et de Cultura Viva Television, sòcia de la Federacion dei Associacions de la Contèa de Nissa e titulara dau Label Òc de l’Institut d’Estudis Occitans.

Nos podètz finda escotar sus dau voastre Iphone, Ipad, Androïd.

Per mai d’informacions, nos podètz contactar:

  • Per telefòn au 06 71 18 61 21
  • Per corrièl a info@nissapantai.com
%d blogueurs aiment cette page :