Jornada Nissarda e 1r concèrt dau novèu Còr de Nissa Pantai

Lo dissabta 6 d’abriu si debanerà la 5a edicion de la Jornada Nissarda organizada da « Nice La Belle » [Nissa la Bèla] en la Maion Francina Gag qu’es lo sieu sèti social.

Coma cada an, la jornada serà festiva e rica en divèrsi activitats, eveniments e espectacles emb bancs e animacions dei associacions locali. Lo banc de Nissa Pantai serà present per prepauar a la venda lu sieus produchs dont la sieu darriera colleccion de malhetas

La jornada comencerà a 11 oras emb un atalhier de danças tradicionali animat da Sylvie Boitard au gimnasi de l’IUFM. Mentre de tota la jornada li serà tanben una exposicion de composicions florali dintre de la Maion Francina Gag, en l’encastre dau Festenau dei Jardins.

D’entre lu grops que si produrràn li seràn de musica tradicionala emb Lo Cepon e « Le Tourneur d’Orgue » [Lo Viraire d’Òrgue], de cants emb « La Ciamada Nissarda » [Chamada Nissarda], un concèrt emb Zine, un espectacle d’umor emb Ricard Cairaschi, de danças folcloriqui emb « Nice La Belle » [Nissa La Bèla], de balètis emb « Les Vieilles Nissardes » [Li Vièlhi Nissardas] e « Lu Mai Qu’Aco » [Lu Mai Qu’Aquò].

Serà tanben la promiera dau novèu Còr de Nissa Pantai, creat a l’eissuda dei atalhiers de cant e musica tradicionals lançats da Nissa Pantai a la rintrada de setembre passat, e animats da Ciril JOANIN. Lo Còr de Nissa Pantai prepauerà de cançons tradicionali nissardi, alpenqui e d’Occitània tota, gaire conoissudi en lo Comtat de Nissa e esquasi jamai cantadi.

De mai, serà prepauat a 12o30 un past per 30 personas emb au menut ensalada nissarda, dauba e pastas, e torta a la confitura per 30€. Podètz reservar lo voastre past ò pan banhat per telefòn au 06 85 39 47 78.

Enfin coma l’an passat, porretz tot pagar en moneda locala Nissart, que porretz escambiar sus plaça !