Ràdio Nissa Pantai inaugura la sieu nòva emission "Descubèrta musicala"

Encuèi lo 12 de setembre a 16 oras sus Ràdio Nissa Pantai, porretz escotar la novèla emission « Descubèrta musicala », que vos farà descurbir cada còup un grop de music de Nissa ò d’Occitània tota.

Aquesta edicion aurà per tèma la collaboracion entre lo Còro de Berra e Sèrgi DOTTI, artista dau Babazok e granda figura de la scèna nissarda, moart lo 8 d’aost passat a l’atge de 66 ans.

Lo grand comedian e marionetista Sèrgi DOTTI es l’autor de mantu tèxts, notadament aquelu de l’ancian grop Tèsta Pelada, pi dau Còro de Berra. Es eu qu’avia escrich lo tèxt de l’espectacle « Garibaldi, conoissi pas ! », creat en lo 2017 e dont si mesclavan marionetas e musica polifonica cantada per lo Còro de Berra.