Cada dimècres, li publicacions de Nissa Actu si faràn en nissart!

Deman, lo dimècres 28 de febrier dau 2018, la pàgina d’informacion esportiva Nissa Actu, inaugura lo « Dimècres Nissart ». A comptar d’aquesta data, cada dimècres, lu estatuts de Nissa Actu seràn 100% en nissart, emb revirada en francés.

Nissa Pantai convida doncas toti li amoroï e amorós de la lenga noastra, de la cultura dau noastre País Nissart e ben segur dei chormas esportivi nissardi dont l’OGC Nissa, de venir consultar li pàginas Facebook, Instagram e Twitter de Nissa Actu !

Despí gaire, Nissa Pantai a entamenat un partenariat emb Nissa Actu que consiste en divèrsi accions de partatges, de cooperacion e autri accions comuni. Ensin, en l’encastre d’aqueu partenariat, es Nissa Pantai qu’assiste Nissa Actu dins la revirada dei sieus estatuts en nissart.