Publié par 
Nissa Pantai renfoarça la sieu preséncia mediatica dins lo mitan esportiu nissart en anonciant un partenariat emb Nissa Actu en vista d’una melhora difusion de la lenga e la cultura nissardi dins lo mitan esportiu nissart.
Despí dau 2013, Ràdio Nissa Pantai comenta en dirècte, dins la sieu emission FotPantai, toi lu rescòntres a maion de l’OGC Nissa e lo rescòntre dau Gim au Mónegue.
Es finda en lo 2013 que s’es fondada Nissa Actu, una pàgina d’informacion complèta sus de l’espòrt nissart e principalament sus de l’OGC Nissa. Nissa Actu es presenta sus dei principali rets sociali: Facebook, Instagram e Twitter.
Lo partenariat si constituerà de partatges d’articles e d’emissions audio e vidèo, de campanhas de promocions mutuali e divèrsi autri accions de cooperacion.
Ensin, Nissa Pantai s’ocuperà de la revirada en nissart dei pàginas, estatuts e articles de Nissa Actu. De mai, l’assisterà dins la produccion de vidèos sus de l’istòria de Nissa.
