29en Carneval Independent de Sant Ròc (29ème Carnaval Indépendant de Saint Roch)

Es emb un grand plaser que v’anonciam l’arribada dau 29en Carneval Independent de Sant Ròc, diménegue 11 de febrier a 12 oras sus dau parvís de la glèia.

Convidam cadun a portat da manjar (salat ò sucrat) e da beure per lo past de carriera. S’enseguerà lo Carneval Independent emb mandar de Palhasso, de farina e de confètis. Per de rasons de seguretat, li serà pas de passacarriera e li festivitats demoreràn sus dau parvís.

Lo Carneval Independent siguèt creat en lo 1990 dau grop Nux Vomica Nissa, per fin de retrobar li originas d’aquesta fèsta ancestrala. Lo Carneval oficial estent jutjat tròup comercial, lo Carneval Independent èra un biais de si tornar apropriar aquesta fèsta, emb la convivéncia dau past partejat, lu desguisament e pichins carres realizats dai participants, lu grops de percussions locals, lu grops de dança improvisats, sensa minga comèrci, e emb de farina qu’es devengut un ingredient caracteristic.

Despí dau 2011, lo Carneval Independent es organizat da l’associacion « Nissa Pantai – Centre Cultural Occitan País Nissart e Alpenc ». Lo Carneval Independent si vòu LIURE, INDEPENDENT e A GRATIS.

Aurem au manco un pichin carre que representa lu 10 ans de Ràdio Nissa Pantai emb Catarina Segurana en animatritz ràdio. Asperam de formacions musicali improvisadi e de tot segur quauqui neblas de farina…

Masque-ti, fai lo tieu carre, poarta la tieu música… e fai lo tieu carneval !

Quora ven l’ambient, lo cortègi pilha forma e li retrobam tota mena de carnavaliers independents:

  • Li tribús: regropament de manti personas qu’an chausit un tèma de desguisament. En familha ò entre amics, lu desguisaments son de còups foarça estonants
  • Lu carres: fabricats a la basta que sigue, a partir d’un carreta de supermercat ò d’una vièlha posseta…
  • Lu grops: minga carneval sensa música e per aquò faire, de formacions ocasionali ò non asseguran l’animacion musicala de la fèsta
  • Lu falabracs: son lu autres participants de la fèsta, toi masquerats emb lu mejans que poadon trobar e de toi lu atges mesclats.

Autre element essencial dau Carneval Independent: la farina remplaça lu confètis. Se lu confètis son l’esséncia dau Carneval de Nissa, la farina es incontestablament l’actritz principala dau Carneval Independent. En efiech, se passatz a costat de Sant Ròc diménegue l’11 de febrier, vos saupriavam aconselhar de vos vestir d’un desguisament ò d’una boana proteccion perque aquesta susbtància a faire lu nhòcos deven l’arma favorita dei carnevaliers.

En brèu, se non sabètz que faire diménegue, rendètz-vos a partir de miegjorn en plaça Sant Ròc per un après-dinnar carnavalèsc coma n’avètz jamai vist.


C’est avec un grand plaisir que nous vous annonçons l’arrivée du 29ème Carnaval Indépendant de Saint Roch, dimanche 11 février à 12 heures sur le parvis de l’église.

Nous invitons chacun d’entre vous à porter à manger (salé ou sucré) et à boire pour le repas de rue. S’ensuivra le Carnaval Indépendant avec lancer de Paillassou, de farine et de confettis. Pour des raisons de sécurité, il n’y aura pas de défilé et les festivités demeureront sur le parvis.

Le Carnaval Indépendant fut créé en 1990 par le groupe Nux Vomica Nissa, afin de retrouver les origines de cette fête ancestrale. Le Carnaval officiel étant jugé trop commercial, le Carnaval Indépendant était une manière de se réapproprier cette fête, avec la convivialité du repas partagé, les déguisements et petits chars réalisés par les participants, les groupes de percussions locaux, les groupes de danse improvisés, sans aucun commerce, et avec de la farine qui est devenue un ingrédient caractéristique.

Depuis 2011, le Carnaval Indépendant est organisé par l’association « Nissa Pantai – Centre Cultural Occitan País Nissart e Alpenc ». Le Carnaval Indépendant se veut LIBRE, INDÉPENDANT et GRATUIT.

Nous auront au moins un petit char qui représente les 10 ans de Radio Nissa Pantai avec Catarina Segurana en animatrice radio. Nous attendons des formations musicales improvisées et bien sûr quelques nuages de farine…

Déguise-toi, fais ton char, apporte ta musique… et fais ton carnaval !

Quand l’ambiance prend, le cortège prend forme et nous retrouvons toute sorte de carnavaleurs indépendants:

  • Les tribus: regroupement de plusieurs personnes qui ont choisi un thème de déguisement. En famille ou entre amis, les déguisements sont parfois très étonnants
  • Les chars: fabriqués de bric et de broc, à partir d’un caddie de supermarché ou d’une vieille poussette…
  • Les groupes: aucun carnaval sans musique et pour cela, des formations occasionnelles ou non assurent l’animation musicale de la fête
  • Les « falabracs »: ce sont les autres participants de la fête, tous déguisés avec les moyens du bord et de tous âges confondus.

Autre élément essentiel du Carnaval Indépendant: la farine remplace les confettis. Si les confettis son l’essence du Carnaval de Nice, la farine est incontestablement l’actrice principale du Carnaval Indépendant. En effet, si vous passez à côté de Saint Roch ce dimanche 11 février, nous saurions vous conseiller de vous parer d’un déguisement ou d’une bonne protection parce que cette substance à faire les gnocchis devient l’arme favorite des carnavaleurs.

En bref, si vous ne savez pas quoi faire dimanche, rendez-vous à partir de midi place Saint Roch pour un après-midi carnavalesque comme vous n’en avez jamais vu.

2 commentaires

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s